Ministri turk i Mbrojtjes Yasar Guler paralajmëroi për mundësinë e sulmit të Izraelit ndaj Turqisë dhe deklaroi se presidenti Erdogan nuk do të kishte lëshuar një paralajmërim të tillë nëse nuk do të shihte një kërcënim nga Izraeli. Duke tërhequr vëmendjen për përshkallëzimin e tensioneve në Lindjen e Mesme, Guler tha: “Lufta e Tretë Botërore mund të shpërthejë në çdo moment”.
“Izraeli është një vend agresiv; mund të na sulmojnë”, tha ministri, duke lënë të kuptohet se në çdo moment mund të shpërthejë një Luftë e Tretë Botërore.
Guler tërhoqi paralele historike, duke kujtuar sesi luftërat e mëparshme botërore filluan me ngjarje në dukje të vogla, duke paralajmëruar se konflikti mund të shpërthejë papritmas.
“Natyrisht, ne nuk duam luftë, por duhet të jemi gjithmonë të gatshëm. Ne vlerësojmë gjithçka deri në detajet më të vogla, bëjmë plane, por duam të jetojmë në paqe në vendin tonë”, tha ministri gjatë deklaratave të tij. /tesheshi.com/
