Ministri i Brendshëm, Saimir Tahiri, në një intervistë për AFP-në është shprehur se vendi ynë është në pritje të një vendimi nga ana e Bashkimit Europian, sa i takon çështjes së refugjatëve, ndërsa ka shtuar se në asnjë rast nuk ka ndërmend të hapë kufijtë.
“Shqipëria është në pritje të “një vendim të përgjithshëm” në nivel evropian për përballimin e krizës, por “në asnjë rast nuk ka ndërmend të hapë kufijtë për emigrantët”, ka thënë Tahiri, ndërsa deklaron se tani për tani situata është e qetë.
“Policia ka rritur kontrollet dhe për momentin nuk ka pasur ndonjë përpjekje nga emigrantët që të kalojnë kufirin shqiptar”, tha ministri.
Më shumë se një milion emigrantë dhe refugjatë kanë mbërritur në Evropë që nga viti i kaluar, duke e zhytur kontinentin në krizën më të thellë të emigracionit që prej Luftës së Dytë Botërore. /tesheshi.com/
