Ministri i Mbrojtjes i Serbisë, Aleksandër Vulin ka deklaruar se arsyeja pse po armatoset Serbia është se në të shkuarën Perëndimi ka shkatërruar armatën serbe.
Në mënyrë direkte, Aleksandër Vulin ka akuzuar të ndjerin Zoran Xhingjiç dhe ish-presidentin Boris Tadiç se kanë shkatërruar Forcat e Armatosura të vendit të tij.
Nga viti 2000 deri në 2012-n ne kemi pasur ministra Mbrojtjeje dhe komandantë supremë që kanë shkatërruar Forcat e Armatosura të Serbisë.
Ata thonin se ne jemi të rrethuar nga miq dhe jo armiq. U hoqën sekretet, gjithçka doli në sy të botës.
Më shumë se 500 tanke u çuan për skrap, kush e di sa armë personale dhe sisteme raketore u shkatërruan.
Kjo ishte absurd pasi edhe Zvicra apo Suedia që janë neutrale kanë ushtri shumë të forta dhe të armatosura”,tha Vulin.
Sipas tij, strategjia nisi të ndryshojë në vitin 2012 kur u vendos që Serbia të kishte një ushtri të fortë.
“Asnjë vend nuk mund të shpresojë për një paqe afatgjatë nëse nuk është i fortë ushtarakisht, nëse nuk imponon potencial të fortë dhe friksues militar”, deklaroi njeriu më i rëndësishëm i Vuçiçit në qeverinë e Serbisë. /tesheshi.com/
