Do duhet kohë për rivendosjen e stabilitetit në tregun global të naftës pas një tatëpjete të pandalshme të çmimeve. Ky është mendimi i Ali El-Naimit, ministrit saudit të Naftës dhe të Burimeve Minerale, i shprehur ditën e djeshme, ndërsa ai është optimist për të ardhmen.
“Siç e dini, tregu i naftës ka parë periudha paqëndrueshmërie gjatë historisë së tij të gjatë, me luhatje të forta të çmimeve,” ka thënë ministri në një takim për energjinë në Riad.
“Kjo është një prej tyre. Forcat e tregut, si edhe bashkëpunimi midis vendeve prodhuese, çojnë gjithmonë në rikthimin e stabilitetit. Por kjo merr njëfarë kohe.”
“Unë jam optimist për të ardhmen, për kthimin e stabilitetit në tregun globale të naftës, e për bashkëpunimin mes vendeve të mëdha prodhuese,” ka vënë në pah El-Naimi.
Komentet shpresëdhënëse të ministrit saudit vijnë në një kohë kur çmimi i naftës ka arritur në nivelet më të ulëta në vite, e kur, pas heqjes së sanksioneve ndaj Iranit, pritet të ketë një rritje të ndjeshme të eksportit të naftës iraniane. /tesheshi.com/
