Pas lajmërimit nga tenistja Maria Sharapova se ka rezultuar pozitive në testet e dopingut për shkak të përdorimit të meldoniumit, ministri rus i Sporteve ka paralajmëruar se mund të ketë dhe sportistë të tjerë që e kanë përdorur këtë medikament.
Vitaly Mutko deklaroi se ilaçi i prodhuar në Letoni është i njohur mes sportistëve të vendit, e kështu emra të tjerë mund të dalin si përdorues të tij.
“Mbase kjo do t’i zgjojë federatën dhe trajnerët tanë. Fatkeqësisht, shumë atletë e marrin këtë ilaç,” ka thënë ministri për agjencinë R-Sport.
Alexander Markin, një volejbollist i Dinamos së Moskës dhe i ekipit kombëtar rus të volejbollit, ka rezultuar gjithashtu pozitiv pasi ka përdorur meldonium, dhe rasti i tij do të shqyrtohet më 19 prill nga federata ndërkombëtare përkatëse. /tesheshi.com/
