Ministri polak: Euro duhet të jetë një monedhë opsionale

Bashkimi Evropian ka nevojë për një reformë që do t’i lejojë vendet anëtare të largohen nga euro dhe të kthehen në monedhat e tyre kombëtare, tha ministri i Jashtëm polak Zbigniew Rau.

“Barazia e shteteve anëtare kërkon rivendosjen e mundësive të barabarta për zhvillimin e tyre, e cila, nga ana tjetër, duhet të çojë në reformën e Eurozonës. Radikalizmi i asaj reforme nuk duhet të përjashtojë a priori asnjë zgjidhje, si p.sh. kthimi i përkohshëm ose i përhershëm i një prej vendeve anëtare të eurozonës në monedhën kombëtare”, tha Rau në një intervistë për gazetën Rzeczpospolita.

Kreu i partisë në pushtet në Poloni, Ligj dhe Drejtësi, Jaroslaw Kaczynski, tha më herët se kalimi në euro do të çonte në varfërimin radikal të qytetarëve polakë, raporton Tanjug.

Polonia u bashkua me BE në 2004, por nuk e miratoi euron si monedhë.

Megjithëse Traktati i Aderimit kërkon që të gjithë anëtarët e rinj të BE-së t’i bashkohen eurozonës, vendet kanë të drejtë të vonojnë miratimin e monedhës së përbashkët, gjë që bëri Polonia.

Megjithatë, pritet që ajo përfundimisht të zëvendësojë monedhën e saj, zloty, me euron.

Qeveria aktuale ka deklaruar vazhdimisht kundër anëtarësimit në eurozonë në të ardhmen e parashikueshme, duke theksuar nevojën që “Polonia të ruajë pavarësinë dhe sovranitetin e saj”. /tesheshi.com/