Ditën e djeshme u përfol se ministri i Drejtësisë, Ylli Manjani kishte bërë një udhëtim privat me “Eskobarin e Ballkanit”, Klement Balilin në Dubai. Në lidhje me këto deklarata ka reaguar vetë ministri ditën e sotme, përmes një statusi në Facebook.
Ministri ka hedhur poshtë deklaratat e djeshme, duke pohuar se nuk ka qenë kurrë në Dubai me Balilin dhe duke shtuar se me të nuk ka udhëtuar as në furgon e as në avion.
Në përfundim të reagimit të tij, Manjani kërkon që Balilin ta arrestojë kush e ka në dorë arrestimin e tij.
Postimi ne facebook i Ylli Manjanit
“Përshëndetje,
Sipas disa analistëve portalistë dhe jo vetëm, paskam qenë në Dubai dhe me Klement Balilin.
Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion! Udhëtimet turistike i bëj ekskluzivisht me familjen time!
Shpifja nuk ndihmon askënd! Mbetem përkrahës i fjalës së lirë edhe kur kjo është shpifje!
Por me rastin e të 7-tave (muajve të urdhër-arrestit ndërkombëtar) edhe njëherë tërheq vemendjen: Ta arrestojë kush e ka në dorë! Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!
Mirupafshim deri në udhëtimin tjetër imagjinar..!”/tesheshi.com/
