Witold Waszczykowski e ka quajtur Rusinë një kërcënim ekzistencial për Europën, ndryshe ISIS-it.
Gjatë një vizite në Sllovaki, ministri i Jashtëm i Polonisë u ka deklaruar gazetarëve: “Nga të tëra dëshmitë, aktiviteti i Rusisë është një lloj kërcënimi ekzistencial, sepse ky aktivitet mund të shkatërrojë vende.”
Ai e ka përshkruar ISIS-in gjithashtu si një kërcënim shumë serioz, por duke shtuar se, “nuk është një kërcënim ekzistencial për Europën”.
Waszczykowski ka diskutuar mbi të ardhmen e NATO-s në një forum të përvitshëm mbi sigurinë në Bratislavë.
Ai ka përsëritur një kërkesë të kahershme për NATO-n për të aprovuar dislokimin e trupave në kufirin lindor të aleancës.
“Kjo ka për të qenë simbol i vendosmërisë për të mbrojtur krahun lindor. Ne mund ta diskutojmë shkallën e këtij dislokimi.”
Ministri çek i Mbrojtjes, Martin Stropnicky, ka deklaruar po ashtu se Rusia po i testonte aktivisht aftësitë mbrojtëse të NATO-s në rajonin balltik.
Ambasadorët e NATO-s dhe Rusisë do të takohen më 20 prill në Bruksel, për të parat bisedime zyrtare pas gati dy vitesh. /tesheshi.com/
