Para riaktivizimit politik të çështjës se Asocacionit të Komunave serbe, që pritet të rikthehet në parlamentin e Kosovës së bashku me Demarkacionit, kreu i diplomacisë së Prishtinës, Enver Hoxhaj, ka thënë se ai, Asocacioni – “Zajednica” siç e quan ndryshe opozitë – do jetë thjesht një OJQ.
“Ky asociacion do të jetë një lloj organizate joqeveritare pa kompetenca ekzekutive, por një grupim i komunave serbe me qëllim që ata për çështje të pushtetit komunal, për çështje të urbanizmit dhe për çështje të politikave lokale mund të koordinohen dhe të bashkëpunojnë me njëra-tjetrën”, ka thënë Hoxhaj gjatë një interviste në Ora Neës.
Më tej ai ka garantuar themelimin e këtij Asociacioni, siç theksoi, në përputhje me vendimin e Gjykatës Kushtetuese.
Prej më shumë se një viti këto dy çështje kanë mbetur pezull, për shkak të kundërshtimit të fortë deri dhe ekstrem të opozitës kosovare. Por pas ngjarjeve të fundit në Veri, komuniteti ndërkombëtar, në strategjinë e uljes së tensioneve i ka diktuar Prishtinës zyrtare që t’u japë fund të dyjave.
Ndësa opozita është shprehur akoma më e vendosur për të mos i lejuar, si njërën ashtu dhe tjetrën. /tesheshi.com/
