Në aradhën e figurave politike që dënuan aktin e rrahjes së gazetares kosovare Arbana Xharra, është përfshirë dhe ministri i jashtëm i Shqipërisë, Ditmir Bushati.
“Dënoj dhunën e ushtruar ndaj gazetares Arbana Xharra! Liria e shprehjes dhe pluralizmi i mendimit janë elementë thelbësorë për një shoqëri të hapur e demokratike! #Kosovë”, ka qenë statusi i Bushatit.
Veçohet në këtë rast fakti se nga politika në Shqipëri, dhe posaçërisht ajo qeveritare, vetëm Bushati i ka kushtuar një status rastit në fjalë, ku përfshihet kortezialiteti i zakonshëm në të tilla raste.
Por ndërsa për politikën kosovare ka qenë normale shprehja e qëndrimeve shoqëruar me dënim të aktit, ngase Xharra është potencialisht e lidhur me zhvillimet kosovare, duke qenë së fundi e përfshirë dhe në politikën e atyshme, ajo nuk e ka statusin e një personaliteti tej kufijve të Kosovës, qoftë dhe si gazetare, për t’iu kushtuar një status me përmasa zyrtare nga kreu i diplomacisë në Tiranë.
Vështirë të besohet se Hoxhaj do e bënte një gjë të ngjashme nëse ajo që i ndodhi Xharrës – e cila vërtet meriton keqardhje njerëzore dhe dënim të këtij akti në termat më njerëzorë – do t’i ndodhte dhe ndonjë sishoqeje të saj në Tiranë, po ashtu me syze.
Nga ana tjetër, në statusin e Bushatit definohet arsyeja e rrahjes duke iu adresuar pozitës së saj si gazetare me anë të klishesë “cenim i lirisë së shprehjes”. Por hetimet e deritanishme ende nuk kanë zbardhur ars
yet e vërteta të aktit të dhunimit, që mund të ketë të bëjnë me pozitën e gazetares, të rioshes në politikë, apo dhe më ndonjë sebep krejtësisht privat. /tesheshi.com/
