Ministri izraelit i Arsimit, Naftali Bennett tha se koha e “shtetit palestinez” kishte përfunduar, duke përsëritur thirrjen për aneksimin e territorit në Bregun e pushtuar, njoftoi Arutz Sheva.
Bennett, kreu i partisë së koalicionit Shtëpia e Hebrenjëve, foli dje në një takim të fraksionit të tij, duke sulmuar presidentin palestinez Mahmud Abbas.
“Është koha të mendojmë për të nesërmen, dhe ka ardhur koha që të ndërkombëtarizojmë deri në fund shtetin palestinez dhe fillimin e një epoke të sovranitetit”, tha Bennett.
“Abasi dhe ideja e shtetit palestinez po veniten, ky njeri ka humbur kontaktin me realitetin”, shtoi Bennett.
Ministri u tha kolegëve të tij se koha po punon në llogari të tyre.
“Gjashtë vjet më parë, vendosëm planin e sovranitetit në axhendën publike. Në atë kohë, ne ishim në kulmin e negociatave me palestinezët për të krijuar një shtet dhe sovraniteti dukej i pakuptueshëm”, tha ai.
“Ndërkohë, realiteti ka ndryshuar plotësisht dhe të gjithë e kanë kuptuar se vizioni i shtetit palestinez është hequr nga rendi i ditës, dhe për këtë arsye ne të gjithë duhet të përçojmë një porosi optimiste dhe pioniere të sovranitetit. Ekziston një konsensus kombëtar dhe politik”, shtoi ai.
Bennett gjithashtu pohoi se “miku” i tij, ministri i Financave Moshe Kahlon, i cili udhëheq Partinë Kulan, “gjithashtu mbështet zbatimin e menjëhershëm të sovranitetit mbi vendbanimet”.
“Ka ardhur koha e sovranitetit dhe është koha ta çojmë këtë ide nga mundësia në realitet”, tha Bennett. /tesheshi.com/
