Ministri i sigurimit i Izraelit, Yoav Galant, tha se presidenti sirian Bashar al-Assad ishte një “përbindësh”, porse ky nuk ishte shqetësimi kryesor i Izraelit.
Galant, një gjeneral ushtarak në pension, tha se Assad ishte vrasësi më i madh që nga Lufta e Dytë Botërore dhe se ishte përgjegjës për vrasjen e gjysmë milioni njerëz të popullit të tij.
“Megjithatë, ky është një problem global, jo problemi i Izraelit”, tha Galant, raporton AP.
Në një deklaratë për gazetarët në Jerusalem, ai shprehu gjithashtu shpresën se Assad nuk do të jetë në pushtet në të ardhmen, duke vënë në dukje se bashkësia ndërkombëtare do të vendosë për fatin e tij.
Ministri izraelit tha gjithashtu se vendi nuk do të lejojë praninë e Iranit në Sirinë fqinje, por theksoi nga ana tjetër se nuk do të diktojë se kush duhet të udhëheqë Sirinë pas përfundimit të luftës civile.
Izraeli, ashtu si vendet e tjera, ka insistuar më parë në largimin e Asadit nga pushteti, kujton AP. /tesheshi.com/
