Ministri izraelit i Transportit, Bezalel Smotrich ka thënë se do të donte që Izraeli të qeveriset në përputhje me ligjin fetar hebre, ide e cila ka ngjallur reagime të ashpra nga partitë e opozitës.
Ai foli në një konferencë me rabinë në Jeruzalem, ku theksoi rëndësinë e ruajtjes së karakterit hebre të shtetit, dhe veçanërisht respektimin e Ditës Hebre të Pushimit – Shabbat, dhe mbrojtjen e ndalimit të martesës civile dhe divorcit.
Ministri aludoi në punën e ndërtimit dhe mirëmbajtjes në projektet e infrastrukturës gjatë Shabbat-it, e cila u kundërshtua ashpër nga hebrenjtë ultra-ortodoksë, si dhe nga komuniteti i palodhur i Sionistëve fetarë që Smotrich përfaqëson, raportojnë media izraelite.
“Është dëshira ime që shteti i Izraelit të qeveriset nga ligji hebre”, tha Smotrich, duke besuar se shteti duhet të përpiqet të qeveriset si “në kohën e mbretit David”. /tesheshi.com/
