Duke prezantuar projektligjin “Për administrimin e Fondit Pyjor dhe Kullosor Kombëtar”, ministri shqiptar i Mjedisit, Lefter Koka, duke iu adresuar klasës politike, por dhe mbarë shoqërisë, tha se “ne jemi fajtorë për shkatërrim e pyjeve në këto 25 vite”. Këtë deklaratë ai bëri teksa po fliste dhe për moratorumin 10-vjeçar, pjesë e projekligjit në fjalë.
“Ky projektligj i hap rrugën një prej reformave më jetike në fushën e pyjeve dhe kullotave për vendin tonë, sepse herë të parë projektligji përcakton vendosjen e një moratoriumi 10 -vjeçar për mbrojtjen e pyjeve”, shtoi ministry Koka.
“Ndaj moratoriumi, do të shoqërohet me investime dhe masa konkrete” -tha ministri Koka.
Ai pohoi se për këtë vit janë dhënë 24 leje shfrytëzimi pyjesh, por që sipas tij, më parë jepeshin 3 leje të tilla në ditë. /tesheshi.com/
