Opozita e trajton politën e Berlinit si fshikullues e ndëshkuese për qeverinë, duke e konsideruar si ndër ato kancelari që nuk pranoi hapjen e negociatave, por nga kabineti Merkel ka ardhur një tjetër mesazh; ai që vlerëson vettingun dhe reformat e tjera, gjithnjë në funksion të hapjes së negociatave.
“Kam ardhur të përgëzoj Shqipërinë për sukseset e saj. Shqipëria është në një rrugë të mirë drejt BE.
Këtu bëhet fjalë për krijmin dhe ndërtimin e një shteti ligjor solid, për krijimin e një drejtësie të pavarur dhe sikurse një luftë të vendosur kundër krimit të organizuar dhe korrupsionit.
Me procesin e ashtuquajtur të vettingut Shqipëria ka nisur të ecë në një rrugë që nuk ka të dytë në rajon dhe deri tani Shqipëria ka treguar se ky proces ka qenë i suksesshëm.
Fakti që deri tani 14 gjykatës dhe prokurorë janë shkëputur nga sistemi, tregon që njerëzit e kanë kuptuar që qeveria është serioze në përpjekjet e veta dhe në krijimin e një sistemi të pavarur drejtësie.
Këto reforma duhet të ndiqni në mënyrë të vendosura. Do të duhet të jeni të vendosur në rrugën e reformave. Nëse përmes një procesi të ndershëm dhe transparent, por njëkohësisht edhe strikt mbërrin në momentin kur na duhet të pushojmë gjykatës apo prokurorë të caktuar do të duhet që në një moment të mëvonshëm të kemi edhe gjykatës apo prokurorë të rinj që me ekspertizën e tyre të përmbushnin këto boshllëqe”, tha një politikan jo dosido i Berlinit, por vetë ministri i Shtetit për Europën në Ministrinë e Jashtme, Michael Roth, gjatë një konference për shtyp me homologun shqiptar Ditmir Bushati.
Ai gjithsesi ka dashur të mos jetë krejt i njënanshëm në qëndrime dhe në apelin e tij ka përfshirë të dy palët.
“Ky proces kaq i vështirë por i rëndësishëm për Shqipërinë kërkon një masë të vetëdijes dhe ndërgjegjësimit nga ana e qeverisë, por po kaq e madhe duhet të jetë masa e vetëdijes dhe ndërgjegjësimit nga ana e opozitës.
Unë i drejtoj një apel politikanve përgjegjës të Shqipërisë që të marrin përgjegjesitë e tyre që mos rrezikojnë rrugën e Shqipërisë drejt BE”, tha Roth. /tesheshi.com/
