Shefi i diplomacisë së Singaporit, Vivian Balakrishnan ka konfirmuar se çdo gjë është gat për takimin e pritshëm mes udhëheqësit të Koresë së Veriut Kim Jong-un dhe presidentit amerikan Donald Trump.
Pas kthimit nga Koreja e Veriut, ministri Balakrishnan u tha gazetarëve se “gjërat” do të fillojnë të ndodhin në 24 orët e ardhshme, duke mos shpjeguar saktësisht se çfarë, raporton AP.
“Unë shkova atje për t’u siguruar që gjithçka ishte në vend dhe se nuk kishte vështirësi të minutësë së fundit”, tha Balakrishnan.
Më parë ai vizitoi dhe Uashingtonin, ku u takua me Sekretarin Amerikan të Shtetit, Mike Pompe dhe Këshilltarin e Sigurisë Kombëtare, John Bolton.
“Në qoftë se arrihet një ndryshim dhe vjen paqja, pritet që të korrat të jenë të frytshme, para së gjithash në Gadishullin Korean, e më pas dhe në pjesën tjetër ku jemi ne”, tha Balakrishnan.
Trump dhe Kim do të takohen më 12 qershor në Hotel Capella në Sentosa Island në Singapor. /tesheshi.com/
