Ministri grek i Mbrojtjes, Panos Kamenos i deklaroi francezes Liberation, se vendi i tij është në pragun e një lufte me Turqinë.
Ai iu referuar rastit më të fundit, arestimit të dy ushtarëve grekë në kufirin me Turqinë, si një tjetër incident që ka acaruar raportet mes dy vendeve.
Por më kryesorja, Kamenos ka përmendur faktin se sipas tij, Turqia në një vit i ka rritur shkeljet e ujërave territoriale me 450%, ndërsa atë të hapësirës ajrore me 48%.
“Ne jemi shumë afër një lufte fatale”, tha Kamenos. “Ne jemi të detyruar të mbrojmë territorin tonë, jo vetëm për Greqinë, por edhe për Europën”, shtoi ai.
Kreu i Mbrojtjes greke i shpjegoi provokimet turke me situatën në Siri dhe politikën e brendshme.
Acarimet mes dy vendeve nisën që kur 8 ushtarakë turq, pjesëmarrës në grushtin e shtetit të 16 korrikut 2016, u arratisën në Greqi. Dhe kjo e fundit nuk pranoi t’i ekstradonte. Sakaq, një vizitë e Presidentit Erdogan muaj më parë në Athinë nuk solli ndonjë rezultat në këtë pikë. Më pas erdhën përplasjet për disa ishuj të pabanuar në Egje ku forcat e marinës turke zbrapsën vetë Kamenosin që donte t’i vizitonte; javë ma pas Turqia po ashtu nuk lejoi një kompani italiane të kërkimit të naftës që të instalohej gjithashtu në Egje, derisa u arrit tek arrestimi i dy ushtarëve grekë nga ata tyrq në kufirin mes dy vendeve. /tesheshi.com/
