Situata në kampin e Idomenit në veri të Greqisë dhe në portin e Pireut do të lehtësohet deri në fund të javës, pas krijimit të mundësive për akomodimin e 50 mijë refugjatëve. Kjo ka qenë deklarata e ministrit grek të Mbrojtjes, Dimitris Vitsas, ditën e premte.
“Duam të bindim këta njerëz në çdo mënyrë të mundshme, jo të dhunshme, se Greqia do të krijojë të gjitha kushtet dhe mundësitë për të akomoduar këta refugjatë”, – tha ai duke hedhur poshtë zërat se pritet një dyndje e policisë për evakuimin e kampit të Idomenit.
“Nuk ka asnjë plan të policisë për të evakuuar Idomenin. 50% e njerëzve atje janë fëmijë”, – tha Vitsas, duke shtuar se afatgjatë pritet që Greqia të strehojë 20 mijë refugjatë. /tesheshi.com/
