Ministri i brendshëm gjerman Thomas de Maiziere tha se mbulesa e fytyrës, ose burka, e cila mbahet nga disa gra muslimane “nuk është e përshtatshme në shoqërinë tonë të hapur” dhe bëri thirrje që të ndalohet.
Është akoma e paqartë nëse një ndalesë e tillë përputhet në fakt me kushtetutën e Gjermanisë.
Megjithatë, de Maiziere e sugjeroi diçka të tillë në fjalën e tij një ditë më parë.
“Ne e refuzojmë velin e plotë – jo vetëm burkan, por edhe formën tjetër të plotë të velit ku duken vetëm sytë,” tha ai, raporton BBC.
“Nuk është e përshtatshme në shoqërinë tonë të hapur. Shfaqja e fytyrën është një element i rëndësishëm për komunikimin tonë, mënyrën tonë të jetesës dhe për kohezionin tonë social. Ja pse u kërkojmë të gjithëve të tregojnë fytyrën.”
Gjermania e ka tashmë të ndaluar mbulimin e fytyrës për arsye identifikimi gjatë protestave. Por propozimi i bërë nga anëtarët konservatorë të bllokut qeverisës të Angela Merkelit do të ndalonte këdo që të mbulonte fytyrën në institucionet publike të edukimit, zyrat publike apo gjatë kohës kur dikush është në timon.
Kohët e fundit, Franca ka ndaluar të ashtuquajturin burkini, një kostum plazhi që mbulon trupin e femrës dhe kokën. Më pas këtë ndalesë e vunë në zbatim edhe disa plazhe të tjera franceze.
Propozime dhe ndalesa të tilla, të posaçme vetëm për femrat muslimane, kanë ngjallur debate dhe pikëpyetje të mëdha mbi barazinë e qytetarëve para ligjit dhe për fanatizmin e disa politikanëve kundër femrave muslimane.
Ndërsa KathleenParker, një opinioniste e prestigjiozes Uashington Post, e ka konsideruar këtë ndalesë si përpjekjen e radhës nga meshkujt për të kontrolluar trupin e femrës dhe veshjen e saj.
Përgatiti Enes Neza – /tesheshi.com/
