Ministri i Drejtësisë, Ylli Manjani, duke folur sot në Konferencën Gjyqësore Kombëtare ku do zgjidhen dy anëtarët e rinj të KLD, tha se vihet re një tendencë shthurje në kulturën e gjyqësorit, ku ka vonesa të pajustifikuara.
Ai u shpreh se janë shtuar raportet mjekësore mes gjyqtarëve, ku u uroi shërim të shpejtë gjithë atyre që janë sëmurë realisht, por nënvizoi se, raportet fiktive nuk i kanë hije një zyrtari të shtetit aq më pak një gjyqtari të Republikës së Shqipërisë.
“Ka një tendencë se po punohet si për ditën e fundit dhe kjo nuk është e pranueshme. Janë ata që e mendojnë veten të larguar nga reforma në drejtësi”, u shpreh Manjani.
Ministri apeloi gjyqtarët që të fokusohen te çështjet që kanë të bëjnë me përgjegjshmëri, pasi qytetarët presin më shumë përgjegjshmëri.
Manjani nënvizoi se mbetet problem me gjithë përmirësimet, hedhja e shortit, për të cilën tha se mbetet një çështje delikate. /tesheshi.com/
