Deklarata e parë publike e një ministri të ri Mbrojtjeje, pra Pirro Vëngu, ka qenë ajo mbi armikun e verës, zjarret, përkatësisht atyre mbi Tepelenë.
Rreth 120 efektivë të Forcave të Armatosura janë angazhuar së fundi në vatrat e flakta të jugut, ato mes Salarisë e Progonatit
Teksa parashtroi situatën, Ministri Vëngu tha se është kërkuar edhe bashkëpunimi i banorëve të zonës, në rast se do të kishte evakuime pjesore.
“Në një moment patëm vështirësi në përballimin e flakëve që po afroheshin në mënyrë të beftë, por kemi arritur të minimizojmë dëmet. Kemi ndërhyrë edhe me helikopter, duke arritur të kemi një mbulim sa më të mirë të situatës. Në Luzat është bërë një punë mjaft e mirë, janë shpëtuar shtëpitë, të cilat rrezikonin”, theksoi ky ministër edhe me nënshtetësi greke, pasi vjen nga fshatrat e Dropullit. /tesheshi.com/
