Kreu i diplomacië shqiptare, këmbëngul se çështja çame është brenda paketës së bisedimeve me Athinën dhe marëveshjes që pritet të nënshkruhet mes dy vendeve. Në reagim të të thënës, sidmos në median greke, se çështja çamë është përjashtuar nga bisedimet dypalëshe, ministri Bushati ka dhënë këtë sqarim:
“I gjithë procesi i bisedimeve me Greqinë në vështrimin tonë është i ndarë në tre shporta apo kategori: çështjet që e kanë origjinën tek Lufta e Dytë Botërore, duke filluar nga ligji famëkeq i luftës që është ende në fuqi në Greqi, për të cilin kemi thënë që kur e kemi vendosur në tavolinë këtë çështje që nuk ndjejmë kërcënim nga ana e Greqisë. Jemi dy vende anëtare në NATO, por nga pikëpamja politike do të kishte efekte të mëdha psikologjike për marrëdhëniet mes vendeve tona. E para kjo dhe e dyta ka efekte ligjore për shtetasit shqiptarë që iu është konfiskuar prona mbi bazën e këtij dekreti. Për shtetin shqiptar, pronat e të cilit janë vendosur nën sekuestro mbi bazën e këtij dekreti dhe për shtetasit që i përkasin pakicës kombëtare greke të cilëve gjithashtu i janë sekuestruar pronat mbi bazën e këtij dekreti.
Brenda kësaj shporte ne kemi disa çcështje. Kemi ligjin e luftës, kemi çështjen çame, kemi çështjen që ka të bëjë me të rënët e ushtarëve grekë gjatë Luftës Italo-Greke në Shqipëri e kështu me radhë”, është shprehur Bushati.
Deklarimet e tij u bënë gjatë një forumi në UET. /tesheshi.com/
