Ministri i Jashtëm Ditmir Bushati u shpreh kritik ndaj faktit që asnjë zë nga Greqia sipas tij nuk është distancuar nga ajo çfarë ndodhi në Bularat.
I ftuar në Real Story të Sokol Ballës, ministri Bushati tha se “qeveria greke është treguar e matur, por ne kemi pritur një distancim më të qartë në lidhje me shfaqjet ekstremiste që ndodhen në ceremoninë e varrimit në Bularat. Nga Greqia nuk ka një zë të vetëm të distancuar nga kjo ngjarje në asnjë media greke, ndërsa media jonë ka qenë më e qartë në raportime, ka pasur raportim nga qëndrimet e vendi tonë dhe nga Greqia.”
Bushati shtoi se lista e personave non grata nuk është mbyllur ende, duke theksuar se po operohet në dy pista për Bularatin.
“Ka dy pista ku po operojmë. 1- pista diplomatike 2- pista ligjore. Lista e personave non-grata nuk është mbyllur ende. Qeveria greke ka bërë deklarata të matura. Do mirëprisnim një qëndrim akoma më të qartë dhe distancim nga thirrjet irredentiste”, theksoi Bushati. /tesheshi.com/
