Pas një pauze disamujore, Vetëvendosje i është rikthyer “luftës guerile” me vezë duke atentatuar kësaj here ministrin e Zhvillimit Ekonomik, Blerand Stavileci. Sipas VV-së, Stavileci është një nga përgjegjësit për shkatërrimin ekonomik të Kosovës.
Deklarata e plotë e VV-së pas “vezëve-plumba” mbi ministrin:
Ministri i Zhvillimit Ekonomik, Blerand Stavileci, është një nga përgjegjësit për shkatërrimin ekonomik të Kosovës. Ai bashkë me Kryeminsitrin Isa Mustafa, u tërheqën nga Ligji për Trepçën, meqë një gjë të tillë e kërkoi Beogradi. E për t’i shkuar edhe më për shtati politikave të Serbisë mbi Kosovën, Ministri Blerand Stavileci dje në Beograd nuk guxoi asnjëherë ta përmend fjalën Republikë, pra nuk guxoi të thotë “Republika e Kosovës”, përderisa në anën tjetër Marko Gjuriq vazhdimisht i referohej Kosovës si Kosovë e Metohi.
Aktivistët e VETËVENDOSJE!-s sot e gjuajtën me vezë këtë ministër, për t’i treguar edhe njëherë Qeverisë së Kosovës që pa u tërhequr nga marrëveshjet me Serbinë dhe demarkacioni me Malin e Zi nuk do të ketë qetësi dhe rehati për ministrat e saj.
Në linkun më poshtë mund të shikoni videon:
/tesheshi.com/
