Ministri i Bashës konfirmon: Nuk ka asnjë rrënjë kanabis

Ministri i Punëve të Brendshme, Dritan Demiraj, i emëruar nga kryetari i PD-së Lulzim Basha në bazë të marrëveshjes me kryeministrit Edi Rama para zgjedhjeve ka konfirmuar sot se në vendin tonë nuk ka më asnjë rrënjë kanabis.
Ministri ka zhvilluar sot një inspektim ajror për të monitoruar gjendjen e kultivimit të lëndeve narkotike Cannabis Sattiva dhe më pas ka shpërndarë një njoftim për mediat bën të ditur se inspektimi shtri në të gjithë territoret që kanë qenë problematike gjatë vitit të kaluar dhe nuk është evidentuar asnjë rast i kultivimit të bimëve narkotike.
Demiraj ka inkurajuar Policinë e Shtetit të përqendrohet në evidentimin dhe sekuestrimin e sasive stok të lëndeve narkotike të trasheguara nga viti i kaluar, në menyre që trafikimi i tyre jashte territorit të Republikës së Shqiperisë të minimizohet dhe parandalohet plotesisht.
Po sot paradite Rama u takua me drejtues të Policisë së Shtetit ku kërkoi angazhim maksimal që lufta ndaj kanabisit të jetë e plotë./tesheshi.com/