I pari i ftuar në emisionin më të ri në TCH, Top Talk, ishte ministri i ekonomisë, Arben Ahmetaj. Atij, ndër të tjera ju bë dhe një pyetje mbi të ashtuquajturit oligarkë. Dhe sipas tij, ky përcaktor për njerëzit e bizsnesit, nuk është veçse një tentativë për të kriminalizuar ekonominë.
“Ka oligarkë vetëm në virtualitetin e mendjeve të sëmura. Njerëzit që punojnë riskojnë, e në raport me riskun ka edhe benefitin dhe suksesin, por edhe falimentimin. Kjo ideja e oligarkëve është një ide e mbështjellur keqazi nga mendje brenda opozitës për të kriminalizuar ekonominë. Ka një mënyrë prej shumë vitesh për të kriminalizuar çdo gjë. Njerëz që punojnë në ekonomi kanë nevojë për respektin tonë dhe kanë detyrimin ndaj ligjit”, ishte përgjigja e ministrit Ahmetaj. /tesheshi.com/
