Ministri i Ministrisë së Mjedisit në qeverinë e Kosovës, i njohur dhe si mjek neuropsikiatër, dr. Ferid Agani, është ndër ata njerëz që nuk përton t’u shërbejë njerëzve në çfarëdo rrethane, pikërisht si mjek, edhe nëse rastet nuk kanë të bëjnë me specialitetin e tij.
Kështu, ai është fotografuar së fundi duke u ardhur në ndihmë disa të aksidentuarve në një prej magjistraleve të Kosovës, teksa ka qenë duke kaluar dhe vetë për arsye pune.
Ai është vënë menjëherë në shërbim të të aksidentuarve, duke përçuar në këtë mënyrë atë që më së shumti ka nevojë shoqëria jonë: humanitetin, modestinë dhe ndihmën e ndërsjelltë, pavarësisht pozitës shoqërore.
Kjo është e disata herë që dr. Agani, edhe pse në pozitën e një zyrtari të lartë, siç është ai i ministrit, nuk përton t`u vijë në ndihmë njerëzve të thjeshtë kur i sheh në ndonjë rrethanë nevoje, sidomos shëndetësore. /tesheshi.com/
