Edi Rama shpalli përbërjen e kabinetit të ri qeveritar në mbledhjen e Asamblesë Kombëtare, duke rikonfirmuar në postet qeveritare disa nga ministrat aktualë.
Disa nga dikasteret janë shkrirë, duke u bashkuar me të tjerat, ndërsa në total qeveria do të ketë 11 Ministri. Por cilët janë ministrat në detyrë që duket se kanë zhgënjyer Edi Ramën dhe nuk u rikonfirmuan në postet qeveritare? Pavarësisht vlerësimeve dhe pozicionit që mund të ketë, Mimi Kodheli u la jashtë qeverisë “Rama2”.
Vendimi në fjalë mund të ketë zhgënjyer së tepërmi kandidatin e PS-së për deputet, Safet Gjici, i cili shpresonte që Kodheli të ishte pjesë e qeverisë, duke dorëzuar në këtë mënyrë mandatin e deputetit, çka i hapte rrugën Presidentit të ekipit të Kukësit të hynte në sallën e Parlamentit. Tashëm për Gjicin ëndrra për t´u bërë deputet nuk mund të kthehet në realitet.
Por veç Kodhelit, jashtë kabinetit qeveritar mbetën edhe Eduart Shalsi, një prej bashkëpunëtorëve më të vjetër të Edi Ramës, apo Milena Harito, e cilësuar shpesh nga ish-kryeministri Sali Berisha, si kushërira e kryeministrit.
Ja ministrat që mbetën jashtë qeverisë “Rama2”
Mimi Kodheli– ish ministre e Mbrojtjes
Milva Ekonomi– ish ministre e Ekonomisë
Eglantina Gjermeni- ish ministre e Zhvillimit Urban
Milena Harito– ish ministre e Shtetit për Inovacionit
Ermonela Felaj- ish ministre e Shtetit për marrëdhëniet me Parlamentin
Eduard Shalsi– ish ministër Shteti për Cështjet vendore/tesheshi.com/
