Ministrat e financave dhe guvernatorët e bankave qendrore të vendeve më të industrializuara dhe në zhvillim të G20 kanë premtuar ndihmë për vendet e varfra që të shlyejnë borxhet, si dhe shtuan se do të ndihmojnë zhvillimin e tregjeve për të kufizuar efektet negative të pandemisë së virusit koronar në ekonomitë e atyre vendeve.
Ministrat dhe guvernatorët u takuan në një video-konferencë disa ditë pas një takimi të jashtëzakonshëm të drejtuesve të G20, të cilët premtuan afro 5 miliard dollarë ndihmë ekonomike në vazhdën e parashikimeve të recesionit për shkak të pandemisë.
Ministrat dhe qeveritarët më parë, midis të tjerave, kanë mirëpritur planin e ndihmës prej 160 milion dollarë të Bankës Botërore, sipas një deklarate të autoriteteve saudite, e cila këtë vit kryeson G20.
Grupi i 20 vendeve të industrializuara të botës dhe vendeve në zhvillim përbëhet nga 19 shtete dhe Bashkimi Evropian, përkatësisht Argjentina, Australia, Brazili, Franca, India, Indonezia, Italia, Japonia, Koreja e Jugut, Afrika e Jugut, Kanada, Kina, Meksika, Gjermania, Rusia , Arabia Saudite, Shtetet e Bashkuara, Turqia dhe Mbretëria e Bashkuar. /tesheshi.com/
