Sikur të mos i mjaftonin pozitat që mbanin, qoftë si ministër apo deputet, zyrtarë të disa partive garuan në lokalet e 22 tetorit edhe për kryetar komunash.
Megjithatë ky vendim i tyre doli të jetë zhgënjyes, pasi shumica prej tyre lëre që nuk e arritën qëllimin, por ka edhe të tillë që turpëruan vetën pasi morën vetëm një grusht të vogël votash duke marrë një goditje jo të vogël nga qytetarët.
Dy ministrat e NISMA-s që së bashku morën 1270 vota
Rezultatet më të dobëta i kanë arritur dy zyrtarë të NISMA-s, të cilët synon të bëhen kryetar komune edhe pse ushtroin pozitën e ministrit. Ata i ndëshkoj elektorati pasi të dyve bashkë ua dha vetëm 1 mijë vota.
Bajram Hasani, ministër i Tregtisë dhe Industrisë i cili më 22 tetor garoj për kryetar të Gjilanit, ka marrë në qytetin e tij vetëm 665 vota apo 1.48% të votave, duke marrë vota më shumë vetëm se Naser Morina, kandidati i Partisë së Drejtësisë që grumbulloi gjithësejt 298 vota apo 0.66%.
Edhe më pak vota mori ministri i Arsimit, Shyqiri Bytyqi që garoi për të parin e Prishtinës. Ai mblodhi vetëm 605 vota apo 0.70 % të votave.
Deputetët që zhgënjyen plotësisht
Zenun Pajaziti, deputet i PDK-së, kandidat për kryetar të Gjilanit është një prej ligjvënësve që ka marrë një rezultat tejet zhgënyes pasi është pritur të paktën të arrijë në balotazh. Pajaziti një figure e respektuar në politikën kosovare dhe një politikan jo i zhurmshëm, siç duket nuk i mjaftoj butësia e tij që të vije në krye të komunës. Megjithatë dështimi i tij mund të lidhet edhe me përçarjet që kanë ndodhur në vitet e fundit në degën e PDK-së në Gjilan.
Pajaziti më 22 tetor u rendit i treti me 8.359 vota apo 18.57%, duke marrë 11.184 mijë vota më pak se kandidati fitues Lutfi Haziri i LDK-së dhe 3951 vota më pak se kandidati i Vetëvendosje-s Sami Kurteshi i cili u rendit i dyti dhe në balotahzin e 19 nëntorit do ballafaqohet me Hazirin.
Faton Topalli, deputet i Vetëvendosje-s poashtu ka befasuar për të keq pasi nuk ka arritur të sigurojë balotazhin edhe pse kjo parti doli e para në nacionalet e 11 qershorit në këtë qytet.
Topalli që garojë garojë për herë të tretë dhe dështojë po aq herë mori 10.367 vota apo 20.61 % duke u renditur i treti, apo saktësisht mori 9366 vota më pak se Agim Aliu i PDK-së që doli i pari me 19.733 vota apo 39.23%, dhe mori 5354 vota më pak se Muharrem Sfarqa i LDK-së që siguroi balotazhin me 15721 vota të mbledhura apo 31.25%.
Sali Salihu, poashtu deputet i Vetëvendosje-s kandidat për kryetar të Vitisë zhgënjeu plotësisht pasi nuk e siguroi as balotazhin duke lënë të fitojë qysh në raundin e parë kandidatin e LDK-së Sokol Haliti i cili mori 10.764 vota apo 52.22%.
Salihu mori 4730 vota apo 22.95 % duke i renditur i dyti por pa ndonjë efekt pasi kandidati i LDK-së veçse ka siguruar mandatin tjetër.
Zafir Berisha, deputeti i NISMA-s, kandidat për kryetar të Prizrenit edhe pse mori një përkrahje solide ai nuk arriti të sigurojë balotazhin.
Zafa arriti të marrë vetëm 5327 vota të preizrenasve apo 8.16% nga 99.54% e kutive të numëruara, apo saktësisht 14013 vota apo më pak se Shaqir Totaj i PDK-së që doli i pari me 19340 vota të fituara apo 29.64% dhe 9263 vota më pak se kandidati i Vetëvendosjes-s Mytaher Haskuka që siguroi balotahzin me 14590 vota apo 22.36%.
Driton Çaushi, deputet i Vetëvendosje-s, kandidat për kryetar të Gjakovës poashtu nuk e arsyetoi besimin e dhënë nga partia pasi nuk siguroi të paktën raundin tjetër.
Çaushi fitoj 5308 vota apo 12.66%, apo saktësisht 11533 vota më pas se kandidati i AAK-së Ardian Gjini që doli i pari me 16841 vota apo 40.17% dhe 8126 vota më pak se kandidatja e Alternativa-s Mimoza Kusari-Lila e cila siguroi balotazhin me 13434 vota apo 32.04%.
Deputetja boshnjake nga Partia e Re Demokratike, Emilia Rexhepi, poashtu ka zhgënjyerit plotësisht në garën për kryetare të Prizrenit.
Ajo ka marrë vetëm 2969 vota apo 4.55% pa kurrfarë gjasa për të siguruar një balotazh të mundshëm. Megjithatë votat e partisë së saj dhe komunitetit boshnjak do kenë një vlerë të madhe në raundin e dytë. Mbetet të shihet nëse do shkojnë për kandidatin Shaqir Totaj të PDK-së apo Mytaher Haskuka të Vetëvendosje-s që do përballen më 19 nëntor.
Kujtojmë se deputetët tjerë që garuan në lokale; si Qëndron Kastrati (VV), Arban Abrashi (LDK), Mytaher Haskuka (VV), Sami Kurteshi (VV), Gani Dreshaj (AAK), Mimoza Kusari-Lila (Alternativa) e Agim Aliu (PDK) kanë siguruar balotazhin dhe më 19 nëntor do synojnë postin e kryetarit të komunave ku garojnë. /tesheshi.com/
