Tre liderët e Ballkanit Perëndimor, Vuçiç, Rama e Zaev firmosën një dokument bashkëpunim në funksion të “mini-Shengenit” rajonal, ku si hap i parë dojetë lëvizja e ndërsjelltë vetëm më kartë identtiteti.
“Dokumenti bazohet në lëvizjen e lirë të njerëzve dhe shërbimeve, pasi qytetarët tanë meritojnë një jetë më të mirë dhe më pak papunësi. Qëllimi ynë është që të krijojmë mundësinë që deri në fund të 2021 të kalohet kufiri vetëm me kartë identiteti. Kamionët në Ballkanin Perëndimor humbasin 26 milionë orë pritje”, tha Vuçiç në një konferencë të përbashkët për shtyp.
Ndërsa Rama ka qenë edhe thumbues në mesazhin e tij, duke e çuar gjuhën e tij te zhvillimet europiane, aspak të pëlqyeshme.
“Ne nuk mund të jemi peng i të shkuarës dhe as i mosdakortësive të tashme, por duhet të bëjmë gjithçka që fëmijët tanë të kenë të drejtë të jetojnë në një Ballkan të paqtë, ku nuk jetojnë qytetarë të dorës së dytë dhe se vendet tona nuk janë territore eksperimental”, tha shefi i qeverisë shqiptare.
Ndërkohë, u vendos që takimi i radhës midis tre shteteve do të zhvillohet më 10 nëntor, në Ohër të Maqedonisë së Veriut. /tesheshi.com/
