Kosova është shkaku kryesor i krizës mes Serbisë dhe Malit të Zi, krahas pavarësisë apo çështjeve të tjera, ka vlerësuar kryeminstri malazez, Milo Gjukanoviç gjatë një prononcimi për B92.
E ndër të tjëra ai tha se Serbia e ka të humbur me kohë betejën për Kosovën, e që sipas tij, brezat e sotëm nuk mund të mbeten peng të udhëheqësve të djeshëm të këtij vendi, që ishin pikërisht ata shkaktarët e humbjes së Kosovës.
“Unë e kuptoj qëndrimin emocional të publikut serb ndaj çështjes së Kosovës, por askush në Mal të Zi nuk ka pasur ndonjë qëllim të keq, sepse ne nuk mund t’i shkaktojmë dëm dikujt të cilin e ndjejmë si shumë të afërt”, tha Gjukanoviç.
Mali i Zi është ndët ato vende të Ballkanit që e ka njohur Kosoën e që ka shfaqur prirje përendimore në qëndrimet politike zyrtare.
Ky vend shpalli pavarësinë nga Serbia me anë të një referendumi në vitin 2006, e deri më tani ka kaluar vetëm disa trazira të shkaktuara nga filoserbët në politikë dhe shoqërinë e saj.
Tashmë Mali i Zi është në prag të anëtarësimit në NATO, gjë që Moska nuk e dëshiron dhe që po nxit elementin proserb të atyshëm për ta kundërshtuar. /tesheshi.com/
