Partia Demokratike ka lëshuar sinjale akoma dhe më të forta të një radikalizimi të qëndrimeve të saj anti-Rama, duke futur për herë të parë në fjalor dhe frazën “konflikt civil”, lënë pas që nga ’97-ta.
Nr. 2 i demokratëve, Edi Paloka, e tha këtë ndërsa përmendi sërish djegien e mandateve, si formë proteste ndaj qeverisë “Rama”
“Djegia e mandateve do të thotë jemi një hap larg konfliktit civil. Mbas djegies së mandateve nuk ka më se çfarë të bëjë opozita përveç se të thërrasë popullin dhe të përballet me një qeveri që ka humbur legjitimitetin”, tha Paloka.
Sipas tij, populli po zjen dhe opozita është krah tij deri në rrëzimin e Ramës.
“Me radikalizimin e protestave në varësi të reagimit të Ramës dhe të qeverisë, absolutisht shpejt, kjo qeveri do të bjerë. E gjithë kjo masë njerëzish që janë tashmë në revoltë, një ditë do të shpërthejë. Uroj që të mos jetë nga ato shpërthimet që është mësuar Shqipëria fatkeqësisht”, tha n/kryetari demokrat. /tesheshi.com/
