Dy gjysmë-vëllezër afro-amerikanë të cilët kaluan dekada në burg pasi u dënuan gabimisht me vdekje për përdhunimin dhe vrasjen e një vajze në 1983, morën 75 milion dollarë dëmshpërblim për gjithsej 31 vjet të kaluara në burg.
Një juri prej tetë anëtarësh vendosi të premten që Henry McCollum dhe Leon Brown të marrin 31 milion dollarë dëmshpërblim, 1 milion dollarë për çdo vit të kaluar në burg dhe 13 milion dollarë dëmtime ndëshkuese.
“Juria e parë, e cila dëgjoi të gjitha provat, përcaktoi se Henry dhe Leon ishin të pafajshëm, zbuluan se u ishte bërë padrejtësi dhe bënë atë që parashikon ligji për të korrigjuar padrejtësinë me vonesë,” tha avokati Elliot Abrams pas gjyqit.
McCollum dhe Brown kanë zhvilluar procedura civile kundër oficerëve të zbatimit të ligjit që nga viti 2015, duke pretenduar se të drejtat e tyre civile ishin shkelur gjatë marrjes në pyetje që çoi në vendim.
Të dy u lanë të lirë nga burgu në 2014 pasi analiza e ADN-së përcaktoi se ata nuk ishin vrasës. Kur u akuzua për krimin që ndodhi në Red Springs McCollum ishte 19 vjeç dhe Brown 15 vjeç.
Avokatët e tyre thanë se ata ishin adoleshentë të frikësuar që kishin një inteligjencë të ulët kur policia i mori në pyetje dhe i detyroi ata të pranonin krimin. /tesheshi.com/
