Nuk ka vetëm festival këngësh, modelesh apo artesh, por edhe festival macesh.
Një i tillë do të nisë në kryeqytetin italian të biznesit, Milano nga 17 shkurti deri më 31 mars. E bën të ditur e përditshmja ekonomike e vendit “Il Sole 24 ore”, në një shkrim ku bën të ditur se miliona euro janë investuar dhe pritet të fitohen akoma më shumë.
Mace nga e gjithë Italia, madje edhe nga vendet e botës do të ekspozojnë përpara një numër të madh macefilësh që do të vlerësojnë sifatin por edhe surratin e këtyre kafshëve të zbutura.
Dy qytete, 17 lokale të posaçme, 50 ditë dhe 17 takime janë shifrat e shpallura për këtë festival të çuditshëm. Madje Bashkia e Milanos ka marrë një vendim që 17 shkurtin ta shpallë edhe si “Ditë e Maces”.
Organizatorët e këtij festivali janë aristokratët, të cilët janë të dashuruar pas maceve dhe nuk u shkon në mend që këto para që kanë dhënë për këtë festival ta dedikojnë për njerëzit e varfër… /tesheshi.com/
