Qeveria izraelite do të ndajë miliona euro për një muze që do të strehojë koleksionin më të madh në botë të dokumenteve për fizikanin Albert Einstein, njoftoi Universiteti Hebraik.
Ndërtesa e re do të shfaqet brenda kampusit të Universitetit Givat Ram në Jerusalem.
Qeveria është zotuar të ndajë 6.1 milionë euro për financimin e muzeut dhe 12.2 milionë shtesë për universitetin.
Ajnshtajni, një nga themeluesit e Universitetit Hebraik, konsiderohet si një nga fizikantët më të mëdhenj teorikë të të gjitha kohërave. Pas vdekjes së tij, ai i la universitetit pothuajse 82,000 dorëshkrime, letra, fotografi, dokumente dhe sende të tjera me vlerë. Vdiq në vitin 1955 në moshën 76-vjeçare.
Kuratori i muzeut Roni Grosz tregon se ky është koleksioni më i madh i dokumenteve të Ajnshtajnit në botë.
Teoritë e relativitetit revolucionarizuan fizikën
Aty do të ruhet i gjithë arkivi i Ajnshtajnit, i cili do të shërbejë si një “hapësirë inovative për edukimin shkencor dhe teknologjik” të të rinjve, njoftoi Universiteti Hebraik.
Teoritë e relativitetit të Ajnshtajnit prezantuan një revolucion në fizikë, duke ndikuar në një mënyrë të re për të parë lëvizjen e objekteve në hapësirë dhe kohë.
Ky fizikan i jashtëzakonshëm dha një kontribut të madh edhe në teorinë e mekanikës kuantike dhe në vitin 1921 mori çmimin Nobel për fizikë.
Ajnshtajni u bë një ikonë e kulturës popullore falë talljeve të tij të mprehta, flokëve dhe mustaqeve të padisiplinuara dhe vetullave të trasha.
Artikujt origjinalë që i përkisnin shiten ende në ankande në mbarë botën për shuma shumë milionëshe. /tesheshi.com/
