Miliarderi japonez Yusaku Maezawa ka ftuar tetë persona që të bashkohen me të në një udhëtim rreth hënës në raketën SpaceX të Elon Musk.
“Unë dua që njerëzit nga grupe të ndryshme të bashkohen me mua,” tha ai në një video që postoi në Twitter, së bashku me detajet e aplikimit.
Miliarderi ka njoftuar se do të paguajë gjithë rrugën, kështu që të gjithë ata që i bashkohen do të fluturojnë falas. Fluturimi është planifikuar për në vitin 2023.
Aplikantët duhet të plotësojnë dy kritere: ata duhet të përparojnë në “çdo aktivitet” që ata përfshihen “në një farë mënyre për të ndihmuar njerëzit e tjerë dhe shoqërinë si një e tërë” dhe ata duhet të “jenë të gatshëm të mbështesin anëtarët e tjerë të ekuipazhit në aspiratat e tyre”, tha ai, shkruan BBC.
Maezawa bëri pasuri në industrinë e modës dhe vitin e kaluar ai lançoi një dokumentar në kërkim të një të dashure të re për t’u bashkuar me të gjatë fluturimit. Projekti përfundimisht u anulua për shkak të “ndjenjave të përziera”.
Në vitin 2018, u njoftua se Maezawa do të ishte pasagjeri i parë privat që fluturonte rreth Hënës me SpaceX.
Çmimi që ai pagoi nuk u bë publik, por vetë Musk tha se ishin “shumë para”.
Misioni është planifikuar për në vitin 2023 dhe duhet të jetë udhëtimi i parë hënor me njerëz që nga viti 1972. /tesheshi.com/
