Dashuria për qentë i ka kushtuar shtrenjtë një miliarderi kinez me emrin Wang Yan, i cili ka humbur gjithë pasurinë e tij për të ndihmuar qentë e pastrehë në qytetin ku jeton.
Yan ishte pronar i një fabrike, puna në të cilën ecte mjaft mirë dhe kishte shumë sukses, mirëpo, gjithçka ndryshoi në vitin 2012, kur pasi i humbi qeni, ai nisi ta kërkojë kudo, madje edhe tek kasapët. Nuk arriti ta gjente por ajo që përjetoi e shpërqendroi aq shumë, saqë e vendosi t’ia kushtojë jetën e tij ndihmës së qenve të pastrehë. Brenda shumë pak kohe, duke i mbledhur të gjithë në shtëpinë e tij, ai nuk kishte më vend për të ftuar të tjerë, si persona apo edhe kafshë të tjera të braktisura.
Aty nisi të zhvendosë mikpritjen e qenve nga shtëpia e tij për në fabrikë, duke pushuar punëtorët e duke shitur makineritë. Emri i kompanisë u konvertua në Changchun Animal Rescue Base, në të cilën arriti të mirëpresë mbi 1000 qen.
Për fat të mirë, pjesa më e madhe e tyre më pas u adoptuan. Shumë shpejt nisi kriza ekonomike e Yan, kursimet e së cilit mbaruan dhe ai u fut në borxhe deri në fyt. Pavarësisht kësaj, burri nuk është bërë pishman dhe vijon veprën e tij të bamirësisë./tesheshi.com/
