Kthimi i planetit Mars në një vend të banueshëm ka qenë një nga ëndrrat e njeriut. Por janë të shumta vështirësitë që duhet të përballohen për të krijuar një atmosferë që do të mund të lejonte një mbrojtje nga rrezatimet diellore dhe që do të bënte të mundur zhvillimin e kushteve të përshtatshme për jeten. Një propozim i bërë nga miliarderi amerikan Elon Musk mund ta përshpejtojë këtë proces, i cili në fakt do të kërkonte shekuj. ‘Një bombë termonukleare – propozon sipërmarrësi gjatë një interviste në CBS, duke shtuar: ‘Mjetet shpërthyese duhet të hidhen në pole.’
Ideja e miliarderit është që të shkrihen akujt e pranishëm me anë të avullimit të dioksidit të karbonit që mund të shkaktojë një efekt serë të nevojshëm për krijimin e atmosferës. Në të vërtetë gjërat nuk janë kaq të thjeshta duke patur parasysh se në momentn e shpërthimit të një bombe termonukleare, si pasojë e mungesësë së atmosferës, nxehtësia do të përhapej dhe do të humbiste në vend. Me fjalë të tjera, në momentin e shpërthimit do të duhej të ekzistonte të paktën një shtresë minimale atmosfere përreth planetit. Një vështirësi tjetër është transporti i bombës, edhe pse për këtë Musk duket se nuk ka dyshime: ‘Do ta transportojmë me SpaceX, kompaninë time të transportit ajror.’ /tesheshi.com/
