Shkrimtari Milan Kundera, 91 vjeç, autori i veprës së famshme “Lehtësia e padurueshme e Qënies”, vendosi të dhurojë bibliotekën dhe arkivin e tij privat në bibliotekën e qytetit të vendlindjes së tij Brno në Republikën Çeke, ku ai kaloi fëmijërinë e tij, njoftoi AP.
Menaxhimi i bibliotekës në Brno njoftoi se i gjithë koleksioni i librave të Kunderaa do të transferohet nga Parisi, ku jeton artisti, në Republikën Çeke gjatë vjeshtës.
Shkrimtari i famshëm dhuron gjithashtu librat e tij të përkthyer në çekisht dhe dyzet gjuhë të tjera, si dhe artikuj të gazetave që ai shkroi, recensione dhe përmbledhje të veprës së tij, fotografi dhe vizatime.
Gjithçka do të jetë në dispozicion të publikut, kryesisht në versionin dixhital, deklaroi biblioteka në Brno.
Ikje nga regjimi
Milan Kundera është shkrimtari bashkëkohor më i famshëm dhe më i lexuari me origjinë çeke. Ai jeton në Paris që nga viti 1975, kur iku nga regjimi komunist i Çekosllovakisë.
Libri i tij i fundit është “Injoranca”, shkruar në frëngjisht dhe botuar në vitin 2000.
Kundera jeton në izolim. Ai ka udhëtuar në Republikën Çeke për vite me rradhë, por pa dhënë kurrë deklarata për gazetarët. /tesheshi.com/
