Milani mund të konsiderohet si klubi më aktiv në Europë, për pjesën e parë të merkatos verore. Pasi kanë realizuar 5 blerje, për të ndryshuar imazhin e skuadrës dhe për t’u kompletuar në secilin sektor, skuadra e Montelës do të ketë edhe turkun Chalanoglu në përbërje, për sezonin tjetër.
Marrëveshja është arritur me gjermanët e Bayer Leverkusen, në arkat e të cilëve kanë kaluar 20 milion euro, ndërsa në “xhepin” e fantazistit 23-vjecar, 2.5 milion euro në sezon.
Milan këmbënguli për mesfushorin-sulmues, i cili godet shumë fort me të djathtën, dhe trajneri Montela ishte dakordësuar për të patur “një xhol” në skuadrën e re.
Me blerjen e Mustakio, Kessie, Konti, Rodriguez, Borinit, dhe së fundi Chalanoglu, tashmë tek Milani duhet të zgjidhin vetëm çështjen Donaruma, për të “ndarë mendjen” se në sezonin që afron, duhet të luftojnë për një vend në Champions League, e pse jo, edhe për titullin kampion. /tesheshi.com/
