Gjendja e keqe e kullave të familjes Jashari është bërë temë debati edhe në Kuvendin e Kosovës.
Deputeti i NISMA-s për Kosovën, Milaim Zeka ka thënë se përgjegjës për këtë situatë janë PDK e LDK. Zeka ka thënë se edhe në rregullimin e varrezave të dëshmorëve dhe martirëve në Prekaz janë bërë vjedhje.
“Unë kur kam fol se edhe për rregullimin e varrit të Adem Jasharit janë bërë vjedhje, e kam ditë se çfarë po flasë, sepse kam dokumente. Duhet formuar një komisionin hetimor me i hetuar çdo cent që është dhënë në rregullimin të memorialit dhe varrezave”, ka thënë Zeka.
Ai është shprehur se pak qytetarë e dinë që varrezat e Jasharajve janë rregulluar nga një qytetar turk me mjete të tij
“Varrezat ne Prekaz nuk janë bërë nga buxheti i qeverisë, ato janë ndrequr nga një turk me para nga xhepi i vet”, ka thënë Zeka.
Kohëve të fundit është raportuar se kulla e familjes Jashari është dëmtuar shumë dhe është pranë rrëzimit. Kësaj kulle prej shumë kohësh është dashur t’i bëhet konservimi, gjë që nuk ka ndodhur. /tesheshi.com/
