Deputeti i NISMA, Milaim Zeka, i ka bërë thirrje koalicionit PDK-AAK-NISMA që të marrë pjesë në seancën e së enjtes.
“I lutem PAN-it, që mos të kërkojë qime në t’lynë, po të vije ditën e enjte me emrin e kandidatit, edhe të ecim përpara. i madhi, dhe i mençuri, duhet me lëshu pe. Përndryshe po përgatitemi për zgjedhje të jashtëzakonshme, po nuk e di se cili prej nesh ka me pas fytyrë për të dalë edhe për të kërkuar vota?!!!”, ka shkruar Zeka në Facebook.
Ai shprehet se Kuvendi është shndërruar në cirk, i cili sipas tij po udhëhiqet nga Adem Mikullovci.
“Krejt këto marrëzira po ndodhin për shkak të vakumit ligjor, sepse parlamentin e kanë mbipopulluar çobenët, të cilët në kushte normale, nuk do duhej të kalonin nëpër fermat e dhive, jo më të talleshin kaq paturpësisht me elektoratin”, ka shkruar Zeka. /tesheshi.com/
