Ish-kampioni i botës dhe një nga boksierët më të mirë të të gjitha kohërave, 57-vjeçari Mike Tyson rikthehet në ring.
Më 20 korrik, në stadiumin Arlington pranë Dallasit, boksieri amerikan do të luftojë në një ndeshje ekspozite kundër 30 vjet më të ri Jake Paul, i cili u bë i famshëm për postimet e tij në YouTube përpara se t’i përkushtohej stërvitjes së boksit.
Siç raportohet, duke iu referuar AFP-së, ndeshja do të zhvillohet në stadiumin e ekipit amerikan të futbollit Dallas Cowboys, dhe do të transmetohet në Netflix.
“Jake është përmirësuar ndjeshëm me kalimin e viteve dhe do të jetë interesante të shohim se cilat janë ambiciet e tij kundër GOAT-it (Më i madhi i të gjitha kohërave)”, tha Tyson.
Në nëntor 2020, Tyson zhvilloi një duel ekspozeje kundër Roy Jones në Los Angeles.
Nga ana tjetër, Jake Paul nuk është i pari nga familja e tij që hyn në ring me një legjendë boksi, pasi vëllai i tij Logan Paul luftoi me Floyd Mayweather në 2021.
Gjatë karrierës së tij të deritanishme, Jake Paul ka regjistruar tashmë dhjetë ndeshje me një raport fitore-humbje prej nëntë me një. /tesheshi.com/
