Mijëra rusë dolën në rrugë në qendër të Moskës të shtunën për të kërkuar zgjedhje lokale në Moskë më 8 shtator, megjithëse protesta u ndalua nga autoritetet.
Protesta shumëjavore mbi zgjedhjet e Asamblesë së qytetit të Moskës janw shndërruar në lëvizjen më të madhe protestuese në Rusi që nga 2011-2013, kur turma dolën në rrugë për vjedhje të pretenduar elektorale.
Duke bërtitur “Rusia do të jetë e lirë!” dhe “Ky është qyteti ynë!”, deri në dy mijë protestues marshuan drejt njërës prej rrugëve të Moskës.
Ata kërkojnë që kandidatët e opozitës të lejohen të votojnë.
Protestuesit po kërkojnë gjithashtu lirimin e aktivistëve të burgosur pas protestave të kaluara.
“Nëse ndalojmë daljen jashtë (në rrugë), të gjitha shpresat do të zhduken”, tha protestuesja 20-vjeçare Alexandra Rosius.
“Ne duhet t’u tregojmë autoriteteve që nuk do të heqim dorë dhe të pranojmë faktin që njerëzit e pafajshëm janë burgosur dhe zgjedhjet janë vjedhura”, shtoi ajo.
Artjom, një 16-vjeçar nw shkollw të mesme, tha se “zemërimi dhe frika” e sollën atë të protestojë.
“Unë nuk kam dashur të kem këmbë të thyera, të vritem ose të hidhen në burg”, tha ai.
“Autoritetet refuzojnë të bien dakord për një kompromis. Ata filluan të dëbojnë njerëzit, duke i hedhur në burg. Unë mendoj se kjo është e papranueshme”, shtoi ai.
Protesta e së shtunës, e fundit para zgjedhjeve, ishte më e vogël se protestat e mëparshme që panë dhjetëra mijëra. /tesheshi. com/
