Afro 60,000 amerikanë, përfshirë dhe emra të famshëm si Kim Kardashian dhe Susan Sarandon, po kërkojnë mëshirë për një të burgosur në pritje të ekzekutimi, pasi është dënuar me vdekje.
Fjala është për afro-amerikanin Rodney Reed, 53 vjeç, i caktuar për t’u ekzekutuar me një injeksion vdekjeprurës në 20 nëntor, për një krim që ai e mohon.
Kim Kardashian, ylli i real show-t, njoftoi në Twitter se dëshmitarë të rinj janë shfaqur duke pretenduar se Rodney nuk është vrasësi.
Ai u dënua me vdekje në vitn 1998 nga një juri vetëm e përbërë nga të bardhët për përdhunimin dhe vrasjen e Stacey Stites, një grua 19-vjeçare e bardhë.
Mbrojtja akuzon ish-policin e dënuar
Gjurmë të spermës së tij u gjetën te viktima, por ai me këmbëngulje pretendon se është i pafajshëm dhe thotë se ata ishin në një lidhje sekrete.
Avokatët e tij të mbrojtjes besojnë se provat që ata morën pas gjykimit, vënën nën akuzën e vrasjes Jimmy Fennell, një ish-oficer policie që vuante një dënim 10-vjeçar për një tjetër përdhunim.
Avokatët e Rodney Reed tregojnë se provat që po grumbullohen e nxjerrin Reed të pafajshëm dhe dhe inkriminojnë Fennel.
Një peticion në internet i organizuar nga aktivisti Soeur Helen Prejean dhe Shoqata e Projektit të Pafajësisë ka mbledhur afro 60,000 nënshkrime duke i kërkuar guvernatorit të Teksasit Greg Abbott që të falë Reed. /tesheshi.com/
