Gjatë vitit 2015 vendet e Bashkimit Europian kanë sinjalizuar 1.82 milionë kalime të jashtëligjshme të kufirit, duke shënuar një shifër rekord, 6 herë më të lartë se rekordi i mëparshëm i shënuar në vitin 2014. Lajmi është bërë i ditur nga Frontex në Analizën e Risqeve të vitit 2016, duke vlerësuar në përmirësim i sipër mbërritjen e migrantëve në Europë.
Një pjesë e madhe e kalimeve të jashtëligjshme të kufirit bëhen nga migrantët që vijnë në ishujt greke nga Turqia, e që më pas zhvendosen në vende të tjera të Bashkimit Europian përmes vendeve Ballkanike.
Sulmet në Paris “kanë treguar qartë se fluksi i migrantëve mund të përdoret nga terroristët për të hyrë në BE”, evidenton Frontex. Dy prej terroristëve të përfshirë në aksionet e Parisit “kishin hyrë më parë në Bashkimin Europian përmes ishullit Leros duke paraqitur dokumente false siriane përpara autoriteteve greke”, lexohet më tej.
Pjesa më e madhe e sinjalizimeve të migrantëve të ardhur vjen nga Mesdheu lindor dhe më saktësisht nga ishujt greke në Egje. Më shumë se 90% e tyre (803mijë) janë sinjalizuar vetëm pjesën e dytë të vitit 2015. Sirianët përbëjnë pjesën më të madhe të refugjatëve, edhe pse afganët janë rritur në mënyrë të ndjeshme. Rreth 764 mijë sinjalizime vijnë nga kufijtë ballkanikë, e veçanërisht nga kufiri i serb në Hungari e Kroaci.
Gjatë vitit 2015 është zvogëluar numri i sinjalizimeve nga Mesdheu qendror duke zbritur në 154 mijë. Një pjesë e madhe e kësaj ulje të numrit, sipas Frontex i kushtohet faktit se sirianët janë zhvendosur në pjesën lindore. Është rritur numri i gomoneve të përdorura në pjesën qendrore.
Me rritjen e migrantëve është rritur edhe numri i trafikantëve. Sipas Frontex, pjesa më e madhe e tyre janë marokenë, spanjollë, shqiptarë dhe sirianë. /tesheshi.com/
