SHBA alarmohet nga 8 avionët rusë që Rusia pritet t’i dërgojë në Serbi.
Ka mbërritur në Beograd, senatori nga Texasi Ted Poe, kryetari i komisionin për Serbinë në Kongresin Amerikan dhe i ka kërkuar presidentit Aleksandër Vuçiç që Beogradi të shtyjë vendosjen në forcë të avionëve bombardues deri në një fazë të dytë.
Plani i amerikanëve është që kur Serbia të marrë OK-in për Bashkimin Europian, ajo automatikisht do të braktisë Moskën.
Siç njofton B92, Poe ka bërë të ditur se SHBA do të mbështesë fuqishëm që Serbia të hyjë në BE dhe ka kërkuar nga Beogradi që të punojë fuqishëm për të mbyllur sa më shpejt çështjen e Kosovës.
Por Vuçiç i ka bërë të ditur se ky hap i madh për politikën e Beogradit kërkon një kapërcim pindarik apo konçension nga ana e Perëndimit.
Dhe si çmim Vuçiç ka kërkuar vizitën e presidentit amerikan Donald Trump në Beograd.
“Vizita e Presidentit Trump sa më shpejt në Serbi do të jetë një shenjë e madhe për shpejtimin e marrëdhënieve mes dy vendeve”, ka deklaruar Vuçiç, i cituar nga B92.
Ndërkaq, senatori amerikan ka bërë të ditur se Uashingtoni do të përfshihet direkt në dialogun për Kosovën, duke i premtuar Vuçiç se Uashingtoni do të tregohet i paanshëm në negociata, duke parë interesat edhe të shqiptarve por edhe të serbëve.
Siç bëjnë të ditur mediat serbe, senatori i SHBA ka kërkuar dhe mbylljen përfundimtare të qendrës ruso-serbe të Nishit. /tesheshi.com/
