“Miell, vezë dhe ujë. Mund të gatuash shumë mirë një kek me to. Materialet i gjeni në parlamentin shqiptar”.
Kështu shkruan “Bild” Zeitung, gazeta më e shitur në Gjermani, e cila thekson se është rritur dyshimi në shoqërinë gjermane, kryesisht në politikë për të mbështetur Shqipërinë në rrugën e saj për hapjen e negociatave me BE-në.
Sipas Bild, ngjarje si ajo e djeshme në parlamentin shqiptar mund të rrisin këto dyshime brenda politikës gjermane.
Bild shkruan se Kancelarja Merkel u rikonfirmua për një mandat të katërt, por pa kapur shumicën parlamentare dhe vetëm pas disa muaj krize të tejzgjatur politike dhe si kurrë më parë, pozitat e saj në parlament janë të brishta.
“Alternative fur Deutschland”, e përkthyer “Alternativa për Gjermaninë”, është një parti e ekstremit të djathtë anti-emigracion, që në zgjedhjet e fundit njohu një rritje eksponenciale dhe tashmë është forca e tretë në vend, pas CDU-së dhe Social-Demokratët, dy grupimet më të mëdha politike, kanë njohur një rënie të vazhdueshme të popullaritetit në vitet e fundit.
Në këto kushte, presioni i “Afd” dhe forcave të tjera anti-emigracion për bllokimin e negociatave me vendet e Ballkanit, do të jetë më i fortë se kurrë dhe pozitat e Merkelit në parlament nuk janë aq të forta sa të mos shqetësohet nga ky presion.
“Preteksti” që opozita me duart e saj i jep forcave anti-europiane, në këto kushte mund të rezultojë efektiv, duke pasur parasysh që shumë prej vendeve kryesore europiane kanë njohur vitet e fundit një rritje të vazhdueshme të frymës eurospektike.
Nëse edhe në Gjermani, bindja për nevojën e zgjerimit fillon të lëkundet, atëherë integrimi për vendin tonë është shumë i rrezikuar /tesheshi.com/
