Numri dy i Microsoft-it, Steven Crown tha se para Këshillit të Sigurimit të Kombeve të Bashkuara se nuk ka zgjedhje magjike për të penguar terroristët që të përdorin internetin. Por sipas tij, do ishte mirë që kompanitë kompjuterike, shtetet, si dhe sektori joqeveritar duhet të luftojnë së bashku kundër shfrytëzimit të internetit për qëllime terroriste.
“Për industrinë e internetit, problemi i terrorizmit është shumë i madh. E dijmë se ka dhjetëra mijëra llogari të internetit që shfrytëzohen për qëllime terroriste. Momentin që e mbyll njërën prej tyre, hapet një faqe tjetër”, ka thënë Crown para organit më të lartë të Organizatës Botërore.
Ai ka thënë se është e nevojshme të punohet në promovimin e përmbajtjeve antiterroriste, duke respektuar të drejtën e privacisë dhe lirisë së shprehjes.
Kjo është hera e parë që një përfaqësues i kompanisë kompjuterike flet para Këshillit të Sigurimit të Kombeve të Bashkuara. /tesheshi.com/
